काठमाडौं- नेपाली कांग्रेसले साउन ६ गते देशभर 'रुख रोपौं' अभियान सञ्चालन गर्ने भएको छ। नेपाली कांग्रेसको मंगलबारदेखि सुरु भएको केन्द्रीय कार्यसमिति बैठकमा महामन्त्रीले बैठकका एजेण्डा प्रस्तुत गर्ने क्रममा यस अभियानबारे पनि जानकारी गराएका हुन्।
कांग्रेसले साउनलाई 'मन्थ अफ ग्रिनरी' घोषणा गर्ने भएको छ। महामन्त्री गगनकुमार थापाले प्रस्तुत गरेको एजेण्डामा नेपाली कांग्रेसका ६ हजार ७४३ वटै वडा कार्यसमितिले रुख रोप्ने अभियान सञ्चालन गर्ने जानकारी गराइएको हो।
अभियानमा टोल समिति, क्रियाशील सदस्यहरु, भ्रातृ तथा शुभेच्छुक संस्थाका सदस्यहरुलगायत सहभागी हुने पनि जनाइएको छ।
