काठमाडौं - बर्दियाको गुलरिया नगरपालिका ११, गोरखचौराहा र बढैयाताल गाउँपालिकामा चितुवाले आक्रमण गरेकाे छ ।
हिजाे दिउँसो चितुवा गाउँमा पसेर आक्रमण गरेकाे हाे । चितुवाले आक्रमण गर्दा आठजना घाइते भएका छन् ।
बढैयाताल गाउँपालिका ९ का मोहनलाल थारु खेतमा तोरी काटिरहेको अवस्थामा चितुवाले आक्रमण गरेकाे थियाे।
चितुवाले आक्रमण गरेकाे स्थानियले थाहापाए पछि स्थानीय बासिन्दाले लखेटेका थिए । थारुलार्इ चितुवाले घाइते बनाकाे स्थानियले जानकारि दिएका छन् ।
त्यस्तै चितुवाले गुलरिया ११ फरमान हजामलाई उनको घरमा पसेर आक्रमण गरेको छ ।
चितुवालाई नियन्त्रणमा लिन राष्ट्रिय प्रकृति संरक्षण कोषका प्राविधिक, बर्दिया निकुञ्जका कर्मचारी र प्रहरी पुगेका थिए ।
चितुवाले प्रहरी सहायक हवल्दार गमनसिंह सुनार र कर्मचारीसहित आठ जनालाई घाइते बनाएको जिल्ला प्रहरी कार्यालयका सूचना अधिकारीले जानकारी दिए ।
घाइतेहरुको बर्दिया अस्पताल गुलरियामा उपचार भइरहेको छ । प्रहरीका अनुसार चितुवालाई भने नियन्त्रणमा लिन सकिएको छैन ।
